Dost dost na raha, pyaar pyaar naa raha
Zindagi hamein tera, aitbaar na raha, aitbaar na raha

Amaanatein main pyaar ki, gaya tha jisko saunp kar
Woh mere dost tum hi the, tumhi to the
Jo zindagi ki raah me bane the mere hamsafar
Woh mere dost tum hi the, tumhi to the
Saare bhed khul gaye, raazdaar na raha
Zindagi hamein tera, aitbaar na raha, aitbaar na raha
Dost dost na raha...

Gale lagi sehem sehem, bhare gale se bolti,
Woh tum na thi to kaun tha tumhi to thi
Safar ke waqt mein palak pe motiyo ko taulti
Woh tum na thi to kaun tha tumhi to thi
Nashe ki raat dhhal gayi ab khumaar na raha
Zindagi hamein tera, aitbaar na raha, aitbaar na raha
Dost dost na raha...

Wafa ke leke naam jo, dhadak rahe the har ghadi,
Woh mere nek nek dil tumhi to ho,
Jo muskurake reh gaye zeher ki jab sui ghadi,
Woh mere nek nek dil tumhi to ho,
Ab kisika mere bin intezaar naa raha,
Zindagi hamein tera, aitbaar na raha, aitbaar na raha
Dost dost na raha...

See also:
JustSomeLyrics
53
53.117
VAST Punish Me (Seattle Acoustic Live) Lyrics
ZAIN BHIKHA A is for ALLAH Lyrics