Mani Matter Dr Ferdinand isch gstorbe Lyrics

Der Ferdinand isch gschtorbe,
oje oje oje.
Der Ferdinand isch gschtorbe,
es tuetmer hüt no weh.
Är wo so vil het gworbe,
um Liebi im Quartier
Der Ferdinand isch gschtorbe -
das arme Tier.

Wini doch geng mis Goudi,
am Ferdinand ha gha.
E sone stouze Moudi,
wird niemeh öbber ha.
Geng d'Liebi hetne Tribe,
nie z'Müüs und Vögel zfah.
Är isch mis Vorbild blibe,
dä Chatzemaa.

Wenn är si unbeschwäärte,
ganze Läbelang.
Het gsunge ide Gärte,
und nüt aus Minnegsang.
De ischs'em albe glunge,
s'Härz z'rüehre vo sim Schatz.
Är het für d'Chatze gsunge,
doch nid für d'Chatz.

So het är ou am gröschte,
Nachwuchs s'Läbe gschänk.
Das tuet eim aube tröschte,
wo a sis stärbe dänkt.
E huufe Ferdinändli,
spaziere no dür d'Stedt,
sit dasne der Herr Brändli,
erschlage het.

Teil Lüt me set se strafe,
Verschliesse s'Härz für d'Kunscht.
Sie wei geng nume schlafe,
und hei ke Sinn für Brunscht.
So het ou der Herr Brändli,
mit emne Topf für d'Nacht,
däm arme Ferdinändli es Ändi gmacht.

Der Ferdinand isch gschtorbe,
oje oje oje.
Der Ferdinand isch gschtorbe,
es tuetmer hüt no weh.
Är wo so vil het gworbe,
um Liebi im Quartier
Der Ferdinand isch gschtorbe -
das arme Tier.

See also:

57
57.7
Billy Ze Kick Et Les Gamins En Folie Mangez-Moi ! Mangez-Moi ! Lyrics
Public Image Limited Chant Lyrics