शोधिसी मानवा, राऊळी मंदिरी

नांदतो देव हा, आपुल्या अंतरी

मेघ हे दाटती, कोठुनी अम्बरी ?

सूर येती कसे, वाजते बासरी ?

रोमरोमी फुले, तीर्थ हे भूवरी

दूर इंद्रायणी, दूर ती पंढरी

शोधिसी मानवा, राऊळी मंदिरी ......

गंध का हासतो, पाकळी सारुनी ?

वाहते निर्झरी, प्रेमसंजीवनी

भोवताली तुला, साद घाली कुणी

खूण घे जाणुनी, रूप हे ईश्वरी

शोधिसी मानवा, राऊळी मंदिरी ......

भेटतो देव का, पूजनी अर्चनी ?

पुण्य का लाभते, दानधर्मातुनी ?

शोध रे दिव्यता, आपुल्या जीवनी

आंधळा खेळ हा खेळशी कुठवरी ?

शोधिसी मानवा, राऊळी मंदिरी ......

See also:
JustSomeLyrics
57
57.28
Jesús Adrián Romero Te vengo a bendecir Lyrics
La vela puerca clarooscuro Lyrics