Ede Staal Het zel weer veujoar worden Lyrics

refrain:
Het zel weer veujoar worden
Het zel weer veujoar worden
Ik roek t aan de lucht
En d'eerste holtdoef vlugt
De winter was laang
En ik was baang
Dat t nooit meer veujoar worden zol
Mor t komt aaltied wel goud

Nog even en de scheuvels
Ja die kinnen weer in t vet
k Heb poters oet de kelder hoald
Alvast in t schuurtje zet
Want t zal weer veujoar worden
n Ponypeerdje zucht gramniedeg
Noar het leste gras
n Raaiger ropt dat t doar in t zuden
Hal wat waarmer was
Mor t zal weer veujoar worden

refrain

De bontmuts, bivak, sjaals
En hansen gonnen weer in de kaast
De vraauw die hoalt n klaid ter oet
En kikt of heur nog t past
Want t zal weer veujoar worden
k Was sikkom al vergeten
Hou kold de winter was
Toch is er ain dij t muit
Omdat e nou vekaanzie het
En da's mien winterjas

refrain

See also:

62
62.10
Spin ┼×ansa Lyrics
NECHIVILE TRAGO DE ILUSAO Lyrics