قد الحروف اللي في أسامي العاشقين بحبك
قد الثواني و الدقايق و السنين بحبك
قد الهموم اللي في قلوب البشر
قد العيون اللي كحلها السهر
قد ما قلبي اشتكى من نار حبك
قد ما ليلي حكى عن طول بعدك

قد الحروف اللي بأسامي العاشقين
قد الدموع اللي في عيون المجروحين
أنا بحبك !!

ليه القمر غالي عليّه ؟؟
يمكن عشان في نوره و بعده فيه حاجة منك
ليه الشتا في قلبي حزين ؟؟
يمكن عشان برضه بقساوته فيه حاجة منك
ليه السحاب بعشق بياضه ؟؟
يمكن عشان زي قلبي في قربي منك
ليه المطر بيصعب عليّه ؟؟
يمكن عشان زي دمعي في بُعدي عنك

ليه لما تبعد عن عينيه بخاف عليّه و بخاف عليك و برضه منك ؟؟

ليه لما أشوف في السما نجوم كتير منها بغير ؟؟
يمكن عشان قد السما و قد النجوم بحبك .. بحبك .. آه بحبك !

قلبي و عينيّه
يجرى ايه لو دمعة نزلت من عينيك في يوم عليّه
يجرى ايه لو طمنك خوفي عليك و خفت يا قلسي عليّه
يجرى ايه لو ليلة جربت السهاد ؟؟
يجرى ايه لو عذبك طول البعاد ؟؟
يجرى ايه لو يوم هجرتك ؟؟
و جيت تاني يوم و قلتلي اني وحشتك
يجرى ايه لو عاتبتك و عاتبتني و سامحتني و سامحت نفسك !
يجرى ايه لو قلتلي :
قد الحروف اللي في أسامي العاشقين بحبِك
بحبك !!

See also:
JustSomeLyrics
83
83.122
Tracy Chapman All That You Have Is Your Soul (Live) Lyrics
Ilse Delange Ilse de Lange - Miss Politican Lyrics