Llocos qu'abrieron caminos
que tiempu mas tardi
por sabios fueron recorríos.
Pisaes nel pasu la hestoria
grabaes en sele
por xente que nun ta na memoria.
Himnos de sangre y de fuéu
xiblaos con llerza
de ser travesaus pol aceru.

Güei ni ayeri nun volvera a ser,
semeya de la rabia
y les pataes que mos cayeron.
Güei ni ayeri nun tornará a ser,
trubiecu d'agüarones malñacíos
qu'oprimisteis al que nada tién.

Güayaes perdíes y cuasi al recibu
de ser atopaes
a un pasu'l deliriu.
Muyeres texendo la fame
al llar nes sos cases
con filos y fines llárimes.
Manos ataes con fierru y esclaves
que son maltrataes
pol diañu nes cárceles.

Güei ni ayeri nun tornará a ser,
semeya de la rabia
y les pataes que mos cayeron.
Güei ni ayeri nun volvera a ser,
trubiecu d'agüarones malñacíos
qu'oprimisteis al que nada tién.

See also:
JustSomeLyrics
84
84.74
張惠妹--記得 張惠妹--記得 Lyrics
DOMINIQUE BARRET Rue des bons enfants Lyrics