ด่วน บขส.ติดเครื่องชลอ จะจากอุบล
เหลียวหลังยังเห็นหน้ามน คนสวยแฟนพี่โบกมือไหวๆ
พี่ลาก่อนเด้อ บ่นานคงเจอกันใหม่
ยังคึดถึงแกงหน่อไม้ ใส่จุ๊ดจี่น้อยฝีมือเนื้อทอง

ก่อนจะจากไกล ภาพน้องทรามวัยติดตาบ่ลืม
คำเว้าอันแสนดูดดื่ม บ่ให้พี่ลืมเปลี่ยนใจจากน้อง
สิลืมจั่งได๋ หัวใจพี่ทั้งสี่ห้อง
ยกให้นางเดียวครอบครอง น้องจงอย่าได้อาวรณ์

ดอกกากะเลาบานเช้า เมื่อกลางเดือนสี่
ยังบ่ลืมเลยแม่คนดี ว่าน้องกับพี่สุขใจออนซอน
สัญญาฝั่งมูล ว่าเฮาฮักกันแน่นอน
วันนี้พี่ต้องจากจร หักใจอำลาไปหาเงินก่อน

โบกมือหยอย ๆ ตาน้องสำออยฝากความอาลัย
ดังเหมือนมีดคว้านอกใจ สะท้อนทรวงในพี่ห่วงอาวรณ์
พี่ลาก่อนเด้อ ลาเด้อแม่ขนตางอน
ลับตาทรวงพี่สะท้อน ขอพรพระคุ้มแม่คุณ

See also:
JustSomeLyrics
86
86.43
Luther Vandrose How Deep Is Your Love Lyrics
01dhaani Lyrics