خنتك أي نعم أدري
و خانت خطوتي دربك
و خانت عيني أهدابك
و كل ما بك شقى و أحزان

خنتك للأسف عيّى
زماني يصون لك حبك
و كلي علم ٍ بحالك
حزين و بالألم غرقان

لأني فـ يوم أنا مثلك
حسبته وافي ٍ قلبك
و خنت الحب أضن تذكر
جرحت أحساسي يا خوان

و جا وقتك تذوق المر
عسى تتهنى في شربك
و حط بالك ترى كاسي
أمر منه أبد ما كان

تقول شلون خنتيني
و كيف أغفر أنا ذنبك
حبيبي ريّح إحساسك
ذنوبي مالها غفران

أنا مت بقهر حبك
بعد ما بان لي كذبك
بعد ما شفتك معاها
و مات بداخلي إنسان

رجعت و كل جنحاني كسيرة
و ضعت أنا عقبك
و صارت دنيتي بـ لحظة كئيبة
ما بها ألوان

و مر الماضي قدامي
في لمحة مرني حبك
و صرت أبكي على قلبي
ياليته لك أبد ما صان

و قلت أصبر و أتحمل
أجاري كذبك و لعبك
مشيت و سكتك ظلمة
و صرت أمشي بلا عنوان

و خنت إحساسي و خنتك
جرحت بقوتي قلبك
عطيتك درس أبد ما أضن
يعيش بعالم النسيان

و شفت اليوم أنا دمعك
سمعت ألحان من نحبك
و صرت أضحك على حبك
عليك أنته و على ما كان

بعد هذا انتهى دوري
أنا ما عدت أبي قربك
كفاية بسبتك قلبي
رمى إخلاصه وراه و خان !!

See also:
JustSomeLyrics
86
86.69
Patrice Done Lyrics
Marantha Your Kindness Lyrics