النهار دا يوم الاجازة
أمي مسافرة رايحة جنازة
وصّلتها لحد الباب
خبّطتني فكرة أستاذة (حفلة)

عندي عدة و عندي سرفيز
و النهار دا يوم الخميس
يعني كله في اللذيذ
ما فضلشي الا التنفيذ

كلّمت كل أصحابى على طول
ما كانش فيهم مشغول
كله كان يردّ يقول
يا قشطة يا ماشي يا قمة كول

كدا ما فضلش الا حاجة بس
أفضّي البيت من كل العفش
أصلي فيه ناس تبقى غاوية كسر
و مش طالبة تقلب بقفش

حاطط في كل حتة سماعة
و حاطط سيديهاتي في بتاعة
كله جاهز تلت ساعة
و لسة بدري فاضل ساعة

قعدت افكّر سألت نفسي
أنا لسة حفضل مستني
رحت جبت المكروفون
وصلت و قعدت أغنّي

اللازمة

أمي مسافرة و أعمل حفلة
بس يا ريت متجيش على غفلة
و لا جيرانّا يبلّغ عنّا
و لا كهربا تعمل قفلة

وصلت لتاكي الساعة تمانية
لبست تيشرت فريق ألمانيا
بصيت لقيت فيه وحاجة تانية
و الحفلة اتملت ثانية

مزيكا جامدة كلها دانس
راب هايس رايف ترانس
و كل دقيقة تزيد الناس
و أنا واقف ع الباب محتاس

و فيه ناس عاملين سياح
جايين و معهم سلاح
خلوني بقيت مش مرتاح
رحت قافل بمفتاح

و كتبت ورقة ع الباب
ممنوع الدخول لأي مسطول

لو الكلام دا مش معقول
معلهش أنا المسؤول
قلت أشوف نفسي شوية
أفضل أرقص و أصحابي حواليّا

فجأة رمولي مايك في ايديّ
و قالولي غنّي أغنية

اللازمة

الحفلة دي أنا مستنيها
خدت العربية و جيت بها
من كتر الناس حواليها
ما لقيتش حتة أركن فيها

رحت راميها ع الرصيف
و المنظر كان بره ظريف
ولاد كتير شكلهم نضيف
بنات لذيذة دمها خفيف

و جوا دا كان عالم تاني
و السما بتمطّر أغاني
و أنا واقف بارقص في مكاني
شفت شلة بنات عاجباني

كان فيهم واحدة أعرفها
بس ما كنتش بستظرفها
قلت ملعهش أضبّطها
علشان أرقص مع أصحابها

و الصباح طلع علينا
و الناس مشيت من حوالينا
رتّبنا و رصينا
بعدين طبلنا و غنّينا

اللازمة

See also:
JustSomeLyrics
93
93.20
Fabricio E Fabiano Antes Que Voce Va Lyrics
trick daddy ft. eminem welcome to detroit city Lyrics