Bacchus sepe visitans mulierem genus
facit eas subditas tibi, o tu Venus.

Ecce deus opportunus,
nullo tempore ieiunus,
ante cibum matutinum
ebrius eructat vinum,
cuius mensa et cratera
sunt beatitudo vera.

Sic religionis cultus
in ventre movet tumultus,
rugit venter in agone,
vinum pugnat c__ medone;
vita felix otiosa,
circa ventrem operosa.

Venter inquit: "nichil curo
preter me, sic me procuro,
ut in pace in id ipsum
molliter gerens me ipsum
super potum, super escam
dormiam et requiescam."

Quidam ludunt, quidam bibunt,
quidam indiscrete vivunt.

Bibit ista, bibit ille,
bibunt centum, bibunt mille.

See also:
JustSomeLyrics
93
93.115
Τρύπες Όλα τελικά ξαναγυρνάν σε μας Lyrics
Black Eyed Peas feat. Sergio Mendez - Mas Que Nada Mas Que Nada Lyrics