1) A lu suono de grancascia

viva lu popolo bascio;

a lu suono de tammurielli

so' risorte li puverielli;

a lu suono de le campane

viva viva li populane

a lu suono de viuline

morte alli Giacubbine!

Rit: Sona, sona

sona Carmagnola

sona li cunsiglia

viva 'oRe cu la famiglia!

2) A Sant'erme tanta forte

l'hanno fatto comm'a ricotta,

a stu cornuto sbrevugnato

l'hanno misaa mitria 'n capa.

Maistà, chi t'ha traduto?

Chistu stommaco chi ha avuto?

E signure e cavaliere

te vulevane priggiuniere!

3) Alli tridece de giugno,

Sant'Antonio gluriuse

a signure sti birbante

je facette o mazza tante!

So' venute li francise,

aute tasse n'ci hanno mise,

"libertè, egalitè":

tu arruobbe a mmè

ie arruobbe a ttè!

4) Li francise so'arrivate,

ci hanne bbuono carusate,

e "voilà" e "voilà";

calce 'n culo alla libertà!

Addò è gghiunta 'Onn'Eleonora,

c'abballava 'n copp'o tiatro?

Mo abballa miezz'o mercato

n'zieme cu Mastu Donato!

5) A lu ponte a Maddalena

'Onna Luisa è asciutta prena,

e tre miedece che banno?

Nun la ponno fa sgravà!

A lu muolo senza guerra

se tiraje l'albere 'n terra,

afferraine e giacubbine

'e facettene na mappina!

6) Addo è gghiuta 'Onn'Eleonora

c'abballava 'n copp'o tiatro?

No abballa ch'e vruoccole e rape,

n'ha potute abbalà cchiù!

E' fernuta l'eguaglianza,

è fernuta la libbertà,

pe' vuie so'dulure e panza!

Signò, iateve a cuccà!

7) Passaie lu mese chiuvuso,

lu ventuso e l'addiruso,

a lu mese che se mete

hanno avute l'aglio arrete!

Viva Tata Maccarone

ca respetta la Religgione,

Giacubbine iate a mare,
ca v'abbrucia lu panare!

See also:
JustSomeLyrics
96
96.79
Regliss Mets de L'huile Lyrics
artist Jewel - Everytime I See You Falling Lyrics