Danzer Georg Anplaggd Lyrics

I mach jetz Musik seit 25 Johr
Und i waaß no ganz genau wie spannend des wor
In die Kellerstudios mit die Eierkarton
Die Sounds worn a Witz und die Technik a Hohn
Ober mir hobns mit die aanfachsten Mittel derpackt
Heitzutag haaßt des auf aamol ANPLAGGD

Im Laufe der Zeit is olls perfekter wurn
Nur die Lieder habn irgendwie die Eier verlurn
Die Computer hobn nach un nach die Musik ersetzt
Der Groove wor genauer nur es hot nimmer gfetzt
Was neiches muaß her hat des Marketing gsagt
Burschen steckts aus un spuits endlich ANPLAGGD

Was neiches muaß her hat des Marketing gsagt
Burschen steckts aus un spuits endlich ANPLAGGD

ANPLAGGD ANPLAGGD mir spieln heute ANPLAGGD
A-ANPLAGGD ANPLAGGD immer schee im sölben Takt
A-ANPLAGGD ANPLAGGD mir spieln heute ANPLAGGD
A-ANPLAGGD ANPLAGGD immer schee im sölben Takt

Piano-Solo

Was haaßt denn ANPLAGGD? Fragt mei Mutter verschreckt
Des is Englisch sag i und haaßt „nicht angesteckt"
Aaaah ihr spuits ohne Schnupfen hat der Vater gebrummt
Net direkt nur das nix aus der Steckdosn k__mt
„nicht elektrisch verstärkt" wie man's hochdeutsch benennt
Un des is im Moment halt der neiechste Trend
Wann aaner a Fander-Gitar einiprackt
Dann heißt des ANPLAGGD scho deswegn weils AN PLAGGD

ANPLAGGD ANPLAGGD also wird des ANPLAGGD
ANPLAGGD ANPLAGGD un an meine Nerven nagt

Harmonika-Solo

Des is wie in der Mode das kennt man ja schon
A neiche Bezeichnung für die oide Fasson
Un scho is mer begeistert un jeder macht mit
Un glaubt dann des is jetz der neiechste Hit
Die üblichen Hadern nur anders verpackt
Und des alles haaßt auf aamol ANPLAGGD

Die üblichen Hadern nur anders verpackt
Und des alles haaßt auf aamol ANPLAGGD

ANPLAGGD ANPLAGGD mir spieln heute ANPLAGGD
A-ANPLAGGD ANPLAGGD immer schee im sölben Takt
A-ANPLAGGD ANPLAGGD mir spieln heute ANPLAGGD
A-ANPLAGGD ANPLAGGD immer schee im sölben Takt

Piano-Solo

E-Gitarren-Solo

He oider jetz schleich di do mit deiner E-Gitarn
Waaßt net wos ANPLAGGD haaßt
Geh ziagts ihm hoit den Stecker aussi