إنتي مشيتي و بكيت الوردة
باب الهنـا ضيعت مفتاحو
إلا حنيني ما بقى عنـــدي
كمشة أمل ع بيتك راحــو
عصفور عندي بالقفص بردان
معود عليكِ و كترت جراحو
مرقو صابيعك بوسوا القضبان
طق السجين و كتف جنــــاحو

البعد قلبي ما حسب
و بكيت قدامك عتب
ما شفت بعيونك سبب
عن جد ييبعدني
و الدمع بعيوني وعي
حسيت راح قول ارجعي
غصيت ما طلعت معي
يـــــا رب ساعدني

وقفت و ما بدي اوصف الوقفةِ
وقفــة بــرئ بحـكم اعدامو
من كل عمرو بــعد في نتـفةِ
صارت صابيــعو تعد ايــــامو
صوتــي غدرني قبل ما تقفي
قلك تعي و الشوق في كلامــو
قلبي اللبعمرو ما عرف ضعفي
ورقــة خريــف سقــطت قدامـو

ممنون صوتي اللي انجرح
ردك الي و قلبــي انفتح
مديت ايدي للصــلـــــح
و بقيت ماددهـــــا
حدي وقفتي ملبــكي
حسيت ع شفــافك حكي
عم يختنق تحت البكي
يـــا رب ســاعدهـا

(1135 قراءة)

إهداء الأغنية لصديق طباعة الليركس

الاستماع للاغنية

See also:
JustSomeLyrics
97
97.59
Tony Rosado Como duele querete Lyrics
Beatles Everybody's Got Something To Hide (Except Me And My Monkey) Lyrics