't Hof van commerce Achter 8 Jaer Lyrics

'T HOF VAN COMMERCE
Achter 8 jaer

[KOWLIER/BUYSE]
Achter 8 jaer,
zieme nog oltied bezig,
't is gin gevoar,
damme de stiel ipgeevn,
't tegendeel is woar,
we zien 't nog oltied zitten,
en gon de boel verhitten,
we gon nog nie goan pitten,
achter 8 jaer,
is 't er nog niet veranderd,
iets minder aor,
Moa dat is interessanter,
achter 8 joar,
we zien 't nog oltied zitten,
en gon de boel verhitten,
we gon nog nie goan pitten,

[KOWLIER]
Ik ben professioneel in de hiphop ,
wok in de softypop en in de vlamse rock
ik ben een meesterkok , ken mien gedachten toch ,
kunt je me 't lachen na of ejt verre get
in 'tmidn gezet , stinkevet , ol me geld ipgefret ,
niet an de kant gezet en nie te goed ipgelet,
nie dikkers ofgezet, veel te veel ipgedoan ,
dikkers te stille stoan , ton bluft et oltied goan ,

[KOWLIER/BUYSE]
ezoa en niet anders ,
voe de buutn- en binnenlanders,
't is ool of ti niet,
vo de puutn en salamanders,
an alleman besteed,
de blussers en de branders,
geleezn en goegekeurd,
astronauten en moanelanders,

[BUYSE]
Niet anders mor ezoa,
voe de leevnde en de doa ( doden ),
we doen wuk damme doen,
voe de groene en voe de ruo ( roden ),
joargang nummer achte,
oed et in gedachte,
we goan al lange mee,
en 'tè nog oltied machtig,
Mo nu komn we noa buutn met oes eigen bedrief,
n'tied wa riepe , de motivoasje wa massief,
we weetn wa damme willn,
't zelfde lik alleman,
voruut in de wêreld,
en e comfortabel plan,
wen kléene probleemn,
lik de noame van uz label,
oe moet da spel ier noemn,
messkien e twadde ut den bijbel,
Balthasar Ploaten ,
of messkien wel lucifèr ,
me contracten in bloed ,
ip de toenge van nen bèèr,

[KOWLIER]
Ik ben e wonderboy ,
ik vinne miene droai ,
ist er e genre ier ,
ton is ne genre doar ,
kverlore e bitje n'oar,
kstoene mjir an den bar,
't è nie roar , tè toch woar,
ge doe mee mé min publiek,
ze vin mie artistiek,
'thope met dommestik,
en diene old school freak,
ook mé men solowerk,
't è wok sterk,
mensn toch ,
volgt ye nog ,

[BUYSE]
Ol de gewondn , zien ier vaste gebondn,
en verzoopn in de bronn , versloan in 3 secondn,
verbrand in nen huop en geofferd in de rondn,
verkocht an kanniboaln ,
in Rotterdam en London ,
T' è nen jungle in de wêreld van de zaakn,
en kweetnt nie of damme 't wel gon moakn,
of damme van us levn ip nen uogern top gon geroakn,
of gomme kroakn, zien w'oez eign graf an 'tmoakn,
en an 't volln van de doakn,
ik peizet eigelik niet ,
we zien nog oltied ip den beat ,
we zien e stapke voorn , lik nen avonteurliken bandiet,
tot et gruote verdriet van de hoaters van de weed,
we goan nuoi mi nor us en ' t wer tied daj 't inziet,
we zien ier voe te bluuvn,
en leven van n'stroate lik de duuvn,
kriegn 't al van oede wuuvn,
pas ip of tgot ier stuuvn,
skerper dan skerp lik de marinas under kuuvn,
voe bussiness zieme grjid lat ol die ploatn mo skuuvn,