Urtz maite dut Lyrics

Maite dut
itsas debekatuen xarma,
sirenen kantu tristeek
ene bihotza zauritu arren.
Maite dut
portu zaharren kresal usaina,
nire itzuleraren zai
inoiz neskarik
egon ez arren.
Akordeoi melodiak
taberna galdu batetan...
Horditurik, xuxurlatuz;
maitale hilezkorren ezpainak
ditut maite.
Maite dut
izarren distira gauean,
ekaitz ondoko barenak
amets ortzia
estali arren.
Maite dut
hodeiertzeko ortzadarra
desioen aingurak
itsas ondora
naraman arren.
Akordeoi melodiak
taberna galdu batetan...
Horditurik, xuxurlatuz;
maitale hilezkorren ezpainak
ditut maite.
Itsas debekatuen xarma;
portu zaharren kresal usaina;
izarren distira gauean;
hodeiertzeko ortzadarra...
ditut maite.