S'isch z'Nacht am zwölfi, dr Wind wäiht dure Schlossgang,

s'isch Geisterstund bim letschte Gloggeschlag.

Es chlyses Gschöpfli ime wysse Umhang

zybet muetig s Stägegländer ab.

Ir erste Kurve wird's scho langsam kritisch,

ir zwoite hets es grusig usegspickt.

Es schimpft u dänkt, ja, das isch wieder typisch,

dr Butler, dä Löu het's Gländer no geng nid gflickt.

Chorus:

Wär kennt scho d'Not vom chlyne Hippygspängstli

Es schilet und het Blüemli ufem Chleid.

Wär kennt scho sini Sörgeli und Ängschtli

däm Gspängstli wo geng alles abverheit. Mh... mh...

Grad z Trotz wot itz da Lientuech-Blüemli-Stumpe

chopfvora dür d'Tor vor Mademoiselle.

Im Schlüsselloch da hanget no dr Lumpe,

düregrutscht isch nume ds Chnochegstell .

Doch das bringt ds Gspängstli erscht so rächt uf d'Socke

u uf dr Bettstatt brüelet's Mordio,

doch die im Bett wo's hätti wölle schocke,

het statt e Schock e Lachchrampf übercho.

See also:
JustSomeLyrics
105
105.1
Hawkwind Conjuration Of Magnu Lyrics
dj khaled fet the game ,jadakiss & trick daddy i'm from the gheto Lyrics