Me weis nid wi nes afaat u nid wis z Endi geit
jede erläbts u mues drdüür wülle im kene di burdi treit wi mängs isch doch für d chats gsi, bisch gschtange wi vorere wand
hesch troimt vonere tube ufem dach anschtatt em schpatz idr hand.

Schtürmischi ziite ufem länge wäg vo geschter bis nach hüt
schtürmischi ziite wo chrafft hei bruucht u gliich luegsch öppe zrügg
schtürmischi ziite u jede trifft se a uf sire walz
schtürmischi ziite u gäb se ned, fählti idere suppe ds salz

hesch bättet u hesch gfluechet u gliich hets alls nüt gnützt
de hesch dr muet verlore u de wider d ärmel hindereglitzt
u wos di tüecht het, its sigs de gnue u di geduld scho lang verbruucht
ja da ischs ersch richtig cho u het di zämmegschtuucht.

schtürmischi ziite...

vo zwe schritt wod hesch vorwärts gmacht, bisch eine fürsi cho
u langsam hets dir dämmeret es sig halt im läbe so
du hesch versuecht smit aschtand z näh u hattsch di fasch dri gschickt
de hesch di plätzlech wider gwehrt u am universum ume gflickt

schtürmischi ziite...

u wenn de mal dä schturm sech leit u du ziesch di bilanz
de wünsch i dir du luegisch zrügg u sigsch sogar echli schtolz
du heigsch versuecht so guet de chönnsch dr chopf nach ufe zha
ds gsicht im wind u d ouge off, um dere wält es schnippli z schlah.

schtürmischi ziite...

See also:
JustSomeLyrics
105
105.2
Airiel 500 Deep Lyrics
陈奕迅 聖誕節 Lyrics