Oliver Dragojević Nista Nova Lyrics

Ništa nova, ništa nova
posli fešte kisne vala
u pitaru lipi snova
cilo lito tu si stala
raštimane sad su ure
zatvorene gnjiju škure
sad životu, punon zima
okrenuta nan je prova
odrišena već je cima
ništa nova, ništa nova

Pala je u more stina
i prozebli grdelini
uz gradele, kraj komina
nima ko da te zamini
I dok jugo stalno jača
oko kuće reste drača
sve se sprema da podivja
a mi kano stara bova
plutamo bez pravog cilja
ništa nova, ništa nova

Uzalud privrćen foje
ća će reć mi na sva justa
svi govore bit će boje
barbirija već je pusta
vaja vrime niz skaline
vonj mižerje i morbine
i briškulu dikod baci
klapa ća još ni gotova
da ostari po bonaci
ništa nova, ništa nova

Finili su pusti kanti
i promukla već je klapa
i po dobru svak te panti
stareć s nama sve do sćapa
naresle su nove plime
popucale surgadine
još se pine dugi vali
i po mistu reve tovar
jarboli u more pali
ništa nova, ništa nova

See also:

108
108.17
José Galisteo Enola Gay Lyrics
El Canto Del Loco 04 Peter Pan Lyrics