จ๊ะตาวันเกิด
เสมา เมืองแมงราย

ฟังเน้อต่านเจ้าอาวอา ฟังเน้อต่านเจ้าอาวอา ผมจะยกต๋ำฮา..จ๊ะต๋าบ่เก่า
นำมาเล่าว่าไผเกิดวันหยัง ลองปากั๋นฟังว่าจะแต๊ก่ หากว่าหมอดูบ่ถูกใจ๋
ขอสุมาอภัยเน้อนายน้องปี้

คนเกิดวันอาทิตย์ เป็นเจ้าความคิด จิตฮ้อนซักหน่อย ชอบการแต่งตัว ใ
จ้สตังค์บ่อย เป็นคนบ่ชอบเก็บฮอม
แต่ขยันหมั่นเพียรอาละ ความฮักนั้นก๊ะเป็นคนเนื้อหอม
ขนาดเป็นหม้ายบ่ตันเกิ่งตอน รับรองแน่นอนบ่าวจะมาหาถี่

อันคนเกิดวันจันทร์ อารมณ์อ่อนหวานจิตใจโอนอ่อน
ขยันหมั่นเพียรบ่ค่อยพักผ่อน ว่าอนาคตเขาดี
ในเรื่องความฮักผิดหวังบ่อยครั้ง หาคนจริงจังบ่มี
ตำฮาบอกไว้เข้าที สุดท้ายจะมีเมียหนุ่ม

คนเกิดวันอังคารอารมณ์ต้องการร้อนแรงทางเพศ
เสน่ห์ตรงข้ามเขาแสนวิเศษ มีรูปลักษณ์หล่อเข้าที
มีเพื่อนฝูงมากมายยิ่งนัก คนฮักเหมือนเสื้อหลายสี
ชีวิตเขาสุโขดี สุดท้ายจะมีเมียแก่

คนเกิดวันพุธ บ่มีสิ้นสุดก้าขายตลอด ทำมาหากิ๋นเอาตัวรอด
จิตใจสปอตนักแก ฮักเดียวใจเดียวเตี้ยงมั่น
นิสัยเขานั่นบ่หว่านแห ชีวิตบ่มีปรวนแปร สบายนักแล ต๋ำฮาเปิ้นบอก

คนเกิดวันพฤหัส จ๊ะตาแน่ชัดฐานะดีผ่อง บ่ตุ๊กจนเฒ่าหลังก่อง
พี่น้องจ่วยเหลือเจือจานทำการเกษตรก้าวหน้า แต่ว่าก็แสนสงสาร
ต๋ำฮาว่ากั๋วเมียพอประมาณ บ่ฮู้เหมือนกั๋นว่าจะแต๊ก่

คนเกิดวันศุกร์ ชีวิตสนุกเริงร่า นิสัยใจคอเข้าท่า บ่ค่อยเอาเปรียบคนใด
ความฮักบ่มีจ๋ำกัด บอกแน่ชัด ขอแค่หัวใจ แม่ฮ้างลูกติดก็บ่เป็นใด
วันศุกร์สบายหายห่วง

คนเกิดวันเสาร์ ชีวิตของเขาบ่แน่ ชื่นชอบไปตางศิลปะแหนแห่
ดีดสีตี๋เป่าเข้าวง หันเห่ตางรำตางร้อง
ชอบมีคู่ห้องเป็นโขยง ส่วนคนที่เขาจะร่วมหอลงโลงอายุก็คงเลขสี

See also:
JustSomeLyrics
110
110.35
Se7en 라라라 [La La La] Remix Lyrics
泳儿 爱在记忆中找你 Lyrics