يا بنت يا ام المريلة كحلي....
يا شمس هالة و طالة من الكولة
لو قلت عنك فى الغزل قولة
ممنوع علية والا مسموحلي

انا احب اقول الشعر فى الحلوين
و الحلو اقولة يا حلو فى عيونة
و لو ابتديت بشفايفك النونو
ما يكفنيش فيهم سبع دواوين

يا ملاك يا جنية يا ست الحسن
يعجبنى توهانك فى أحلامك
يعجبنى شد الخصر بحزامك
يعجبنى اخدك للكتب بالحضن

راحوا الصبايا والصبايا جم
أجمل ما فيهم مين غير بنتي
و اجمل ما فيك يا بنتي ان انت
فى عينيك الننى حنان الأم

يا بنت يا ام المريلة كحلي....
يا شمس هالة و طالة من الكولة
لو قلت عنك فى الغزل قولة
ممنوع علية والا مسموحلي

See also:
JustSomeLyrics
110
110.120
Nina Simon Don't let me be misunderstood Lyrics
Burhan Cacan Yalan Lyrics