Begîrlich in dem hertzen mîn
mit rechter liep in stetikeit
hab ich gedacht dîn eigen zu sîn
daz weistu nit daz ist mir leit
doch muoz ich also lîden mich
biz daz ich inne bringe dich
daz als mîn hoffen an dir lît

Ich wolt du wizzest mîn begîr
wî gar senlich verlanget mir
mîn eigen hertz erkennen gît

Nun frœust du mich und weist daz nît
davon muoz ich belangen hân
von senen mir mîn hertz zerbricht
solt ich dich daz nit wizzen lân
so wil ich unmuot mir geselln
und al mîn frœd in truren stelln
biz glueck mir bringet gnâden zît

Ich wolt du wizzest mîn begîr
wî gar senlich verlanget mir
mîn eigen hertz erkennen gît

Ob es mîn glueck fuegen mœht
daz ir von mir mœcht werden kunt
wî gar besunder usserwelt
hab ich dich in mîn hertzens grunt
so wer mir heil gar vîl beschert
und mich von unmuot gar ernert
unmuot wœnt mir ver und wît

Ich wolt du wizzest mîn begîr
wî gar senlich verlanget mir
mîn eigen hertz erkennen gît

See also:
JustSomeLyrics
112
112.5
Amir UK's Di Sana Menanti Di Sini Menunggu Lyrics
Raven Symone - Anneliese van der Pol Raven n Chelsea 's Opera Lyrics