Maite zaitut, maite, zoratzeraino!
Ederragorik ez da zu baino!
Zeurea dut nik begian argia,
ta zurekin berriz penak zer dira?

Maite bat badut bihotzean
gorri, berde ta urdina;
ikusten dutenen ustean
urre-jantzizko sorgina.

Ez du parerik ederrean
ene maiteño politak;
ni asteroko hondarrean
joaten natzaio bisitan.

Maite zaitut...

Amesten zaitut,amesten,
ederretan ederrena,
baina ez bazaitut ikusten
ez zait asetzen barrena.

Eta ikusten zaitudanero
maitez hartzen zaitut laister;
laztan eta fereka gero
joan ohi naiz bazterrik bazter.

Maite zaitut...

Bere koloreak ez dira
beste inorenak bezala:
urdina du begi dizdira,
gorri-berdea azala

Gauak koloreak jatean
oheratzen naiz bakarrik:
ez dago zeruko atean
nirea ainako izarrik.

Maite zaitut, maite, zoratzeraino!
Ederragorik ez da zu baino!
Zeurea dut nik begian argia,
bihotzeneko, Hondarribia!!!

See also:
JustSomeLyrics
117
117.6
Reincidentes-www.BajandoAlbums.com Playa Girón Lyrics
Christian Death Hour Of The Wolf Lyrics