Davide Van de Sfroos El Mustru Lyrics

Parlumm mea de barbera,
nel buceer gh'è la dencéra
che la riid senza di me
e sun ché cun l'infermiera
setaa giò sö na cadréga
che la viàggia de par lee

e anca el suu nel curiduur me paar piö lüü,
el vöör parlàmm
dumandi al laagh, da la finestra,
se'l se regorda chi è che sun
per questa geent che vee a truvamm cun scià i
biscott
sun piö nagott
dumanda ai pèss, dumanda ai sàss,
che luur la sànn quel che ho vedüü

Perchè adess g'ho sö el pigiama
ma regordes che una volta
seri el re di pescaduu,
ho vedüü sguaràss el laagh,
ho vedüü quatàss el cieel
e la loena burlà giò,
l'era faa c__è un'anguila,
l'era gross c__e un batèll
e'l majava tücc i stell,
una bissa incatramata,
cun la buca sbaratada
e cui öcc dell'oltrummuund...
un mustru, ma l'era mea el film de l'uratori
un mustru, vegnüü'n de un teemp che l'era piö el sò
ho vedüü el mustru, ho vedüü el mustru...

E i m'hann truvaa luungh e tiraa
c___ i öcc de indemuniaa
e che parlavi de par me

"Vardii el re di pescaduu,
stravacaa in so la sua barca,
che'l se sbatt c__è un cagnott !"

m'hann dii che el mustru l'era el diabete
per mea dimm che seri màtt
quand che passavi me salüdaven,
quand se giràvi sentirvi riid
vegniven tücc a crumpà el pèss
per ghignà un zicc o per c__patìmm
gnanca i fiöö m'hann mai credüü
e seri el re di rembambii

Adess g'ho sö el pigiama ma sun che sura un puntiil
a specià che'l solta fö,
sunn piee de medesèn,
me parlen tücc de arterio,
ma sun che per fala fö,
te speci setaa giò cun in man dumà una frosna
e sun propi mea stremii,
facch vede a'sti tòcc de merda se te seet deent
in del laagh
o nel coo de un rembambii...
un mustru, senza i me occ el ghe sariss mai staa.

(Correzione di MarlenGrace)

See also:

122
122.79
spinetta las horas bajan Lyrics
Sandi Patti Imagine (How God Can Sing) Lyrics