Männer am Meer das wo si nid hei Lyrics

Är wet mau e Bruef ha und e guete Ruef ha.
Lüt wei no meh Gäut ha u wär gärn e Wäutstar.
I wet gärn e Urlaub wit wäg i Urwaud.
Lüt wei immer das, wo si nid hei.

Mönsche di dänke sit Mönschegedänke,
was, wie, wär, was si chönnte si dänke.
Sie wär ja glücklech nume fäut ne öppis.
Aus wär guet nume quäut se öppis.
I wett o gärn mini Rue, gärn mini Freiheit,
mitere Frou wo sech füegt u zu mir leit.
Am Abe mit de Kollege ga sumpfe
u am Morge fit us em Näscht usegumpe.
I wett aus u hie u nie bini z'fride
u i wär scho z'fride, wäri eifach z'fride.
I wet ds Füfi ds Weggli u es Müntschi vom Becker
u ja, i wot de n'ä günschtigi Wegge.
Lüt wei guete s__ ohni Züüg u verhüete
u ohni hürate u Chinder hüete.
Lüt wei Sonderrabatt, Prozänt, Garantie,
Superpünkt u High-Quality.

Är wet mau e Bruef ha und e guete Ruef ha.
Lüt wei no meh Gäut ha u wär gärn e Wäutstar.
I wet gärn e Urlaub wit wäg i Urwaud.
Lüt wei immer das, wo si nid hei.
Lüt wei geng für siich si, au
wei immer gliich si. Deu wet nur es
Fuuschtbrot. Angri wei es Huusboot.
Sie hätt gärn Geburtstag. Är
fänd das furchtbar. Lüt wei immer
das, wo si nid hei.

Sie wot der Läbesungerhaut im Theater verdiene
u i wet nume no privati Termine.
U irgendwie wetti di Rapper no toppe
u är hofft einisch si di Rapper verbote.
Lüt wei inneri Sicherheit,
aber ds Sturmgwehr hei si griffbereit
u si wet e Body ohni Ligestütze,
fein ga frässe u der Lift benütze.
Sie wet e chlinere Arsch u grösseri Buse
u är wet nume dass sie ändlech pfuuset.
Der eint wet breiteri Reife am Peugeot,
der anger wet nume e chli Moscht i sim Deuxchevaux.
Sit paar Jahr het er e Frou und e liebi,
hät ja nix gäge ewigi Liebi.
Aber irgendwie wet er di Szene ga rocke
u wider einisch tüüfuswiud umepoppe.

Äs wet gärn scho gross si.
Sie wet wider chli si
und o ihres Grosi
würdi da derbi si.
Sie wet gärn e Maa si.
Är wet gärn e Frou si.
Sie wet nämlech starch si
u är wet es Bousi.
Är wär gärn bir Füürwehr,
sie wet mau a d'Süüdsee.
I wot nüt me z'tüe ha,
mit auem wo n'ig Müeh ha.