Männer am Meer paradox Lyrics

Du bisch ä vorsichtige Opportunischt,
stecksch dis Revier ab jedem Ort wo de bisch.
Du bisch kei Fründ aber du bisch ä Nättä
und dini Meinig, die wächslet mit äm Wätter:
Wenn's rägnet hesch ging ä Schirm drbii,
wenn Gfahr droht de steusch di hinge drii.
Du kennsch links und rächts,
du chunsch nid druus,
die wichtigschti Richtig isch eifach graduus.

Zwüsche 2 chasch entscheide
und bi 3 hesch d'Wau.

Du bisch äs Blatt im Wind lasch di la trage,
unmöglech di nachere Meinig z'frage.
Machsch us jedere Möglechkeit
ä wüsseschaftlech beleiti
statistischi Aglägeheit.
Wenn aui A säge de seisch du: «A!»
Wenn aui B säge de seisch du: «ouh jaaaaa!»
Was isch de mit C,D,E,F,G,H,I,
J,K,L,M,N,O,P und das Ganze bis zum X -
de bisch du perplex!

Wed vormne schwule Pfarrer steisch
- schüttlisch dr Gring.
We Liebi plötzlech weh macht
-versteisch äs nümm.
We Friede mit Waffe verteidiget wird
- schüttlisch dr Gring.
We d'Opposition plötzlech regiert
- versteisch äs nümm.
We nä Orientierigsläufer dr Wäg nümm fingt
u sech ä Millionär uf dr Strass wiederfingt.
U n'ä Superstar wo verseit
u n'ä Bärgstyger wo vom Bärg obe abegheit.
U n'ä Dumme hett plötzlech än Idee
u n'ä Truurige juchzt: «Juheee!!»
U wenn dr Roger mau verlüürt
u n'ä Schwizer Schirennfahrer füert.