E sissignore: m'ha fatto piacere
ca t'hê truvato a n'atu 'nnammurato!
Ma, pe' favore, almeno 'int' 'o quartiere,
nun fa' accapi' ca m'hê licenziato,
si no t'aggi' 'a sfriggia'... pe' dignità.

Pe' me 'a priggione
comme fosse nu casino ca ce vaco a villeggia'.
Senza raggione,
'na carriera 'e malandrino nun m' 'a pozzo ritarda'
pe' fa' 'ammore cu tte!

I' dint'a niente, me sceglio a n'ata amante:
tengo 'a cinquanta femmene 'e riserva.
C'è l'avvenente, ce sta l'affascinante;
e ognuna 'e cheste me facesse 'a serva,
p' 'o sfizio 'e se vede' vicino a me.

Sciurillo giallo,
che aggi' 'a fa', s'io songo bello? Te ne vaje? peggio pe' tte!
Vutanno 'e spalle,
doppo n'uocchio a zennariello, vide 'e femmene 'e cade',
comm''e' ccarte 'a juca'.

E pe' favore mi devi ritornare
'o fazzuletto 'e seta (sta tre llire!).
Certo un signore non se lo fa ridare.
Ma io me lo piglio poi per non sentire:
"Ll'oggette, comme va, nun s' 'e ffa da'?"

Rutto pe' rutto:
damme pure 'e se' ferriette e 'a b___eglia 'e brillante'.
Certo fa brutto:
ma 'e riale ca te dette nun t' 'e pozzo rummane'.
L'aggi' 'a ancora pava'.

See also:
JustSomeLyrics
124
124.15
zambayonni averiguá si cojo mucho247 Lyrics
10 Jangueo Feat Franco El Gorila Lyrics