鄭伊健 感激我遇見 Lyrics

白:唔同人嘅愛情,有唔同嘅開始,而我嘅開始,係一個問話符號。

靠向我身邊,你帶笑卻無言。在落寞情況,常贈我明天。
縱會有辛酸,有了你,我願擔起每天,狂風中也熱暖。

白:認識你嗰年係中一,你畀我嘅感覺係一個問話符號,唔知點解,見親問話符號,我就諗起你。到左中二,無一個男同學好似你咁鍾意偷偷望我。有次我錯手攞咗你飲過杯嘢嚟飲,大家笑我飲咗你口水尾,一世聽你話,以後,我故意同你頂嘴,係故意架,我做乜要聽你話呀?

伴我高低起跌,幸運及那失意天,並說聲多甘心及情願過每天。

情懷是因你溫暖衝擊於心裏邊,全情愛我,熱情熱愛加添;
唯獨是可愛的臉,手挽手肩並肩,有緣碰見,仍留在我身邊。
心真摯倍添,愛倍添,蕩來這段緣,這段緣不知怎去講,感激我遇見。

白:中五,畢業啦!你無端端問我有無幻想過將來,幻想裡面見唔見到你,我好快咁答:「無!」你個樣,立即變成一個失望嘅問話符號。

靠向我身邊,你帶笑卻無言。在落寞情況,常贈我明天。
縱會有辛酸,有了你,我願擔起每天,狂風中也熱暖。

伴我高低起跌,幸運及那失意天,並說聲多甘心及情願過每天。

情懷是因你溫暖衝擊於心裏邊,全情愛我,熱情熱愛加添;
唯獨是可愛的臉,手挽手肩並肩,有緣碰見,仍留在我身邊。
心真摯倍添,愛倍添,蕩來這段緣,這段緣不知怎去講,感激我遇見。

白:今年嘅舊同學聚會,你令我眼前一亮,無諗過一個傻瓜嘅你,變成今日呢個樣,佢地話你仲未有女朋友,我點會信吖。嗰晚我發現左個秘密,你偷偷將我飲嗰杯punch,同你嗰杯換左嚟飲,我個嘴無笑,我只係用我嚟心嚟笑!

情懷是因你溫暖衝擊於心裏邊,全情愛我,熱情熱愛加添;
唯獨是可愛的臉,手挽手肩並肩,有緣碰見,仍留在我身邊。
心真摯倍添,愛倍添,蕩來這段緣,這段緣不知怎去講,感激我遇見。

白:如果你遇我唔到,你估你會揀個點樣嘅女朋友吖嗱?

See also:

23
23.76
Blue Bubblin -21st Lyrics
Acda en de Munnik Tijd (zonder titel) Lyrics