Spider Murphy Gang Mit'n Frosch Im Hois Und Schwammerl In De Knia Lyrics

I woas net wos is los mit mir, // daß i mi oiwei so blamier.
Mögn tat i scho, doch meistns wird nix draus.
Jedsmoi wenn i obandln wui // hob i im Mogn a saudumms Gfui,
dann steh i do und bring koa Wort net raus.
Zum Beispui sitz i im Café, // i hob scho zoit und wui grod geh,
do sig is sitzn schee wia d'Loreley.
A so a Hos, mei liaba Specht, // i ruck ma mei Krawattn zrecht
und denk de lodst glei auf a Cola ei!

Ja und dann? // Steh i vor ihr, // mit'n Frosch im Hois und Schwammerl in de Knia.

Auf d'Nacht um oans ruaft mi d'Gaby o, // weils einfach net eischlaffa ko
und frogt: Schaust auf an Sprung bei mir vorbei?
Dös loß i ma net zwoamoi sogn, // i ziag mi o und start mein Wogn
und buid ma hoit scho wieder woas Gott wos ei!
Fünf Treppn steig i nauf zu ihr, // außer Atem klopf i an da Tür
und weils scho offn steht geh i hoit nei.
Ja d'Gaby sitzt aufm Kanapee // mit am hauchdünna Negligé
und schenkt ma glei an Whisky Soda ei!

Hey Doktor sog, wos mach i boß, // i werd den Frosch einfach net los,
gibts denn für so an Foi koa Medizin?
Da Doktor schaut in Hois ma nei // und sogt: Ja mei, dös hamma glei!
Hot ma sofort a guats Rezept verschriebn.
Ja und gestern hob is glei ausprobiert, // bin in a Disco neimaschiert
und reiß ma glei an Superhosn auf!
Dann fahr is mit meim Schlittn hoam, // um hoibe drei noch Berg am Loam,
sie frogt: Kommst auf an Kaffee zu mir nauf?