Daly feat. Patrick St-Eloi T.W.O.P Lyrics

Année : 2004

Kouplé Daly

Ni twop trip twop pagay twop magi en péyi la,
twop wol, ni twop wol,
Ni twop fay, gay tou sa ki ka fèt gwada.
Twop polis aviski ka atan rètrèt ayo,
tan kè pa ni san yo pa-avin si ou bizwen yo.
Twop grèv doké, éssans, éléktrisité, twop priz an otaj dè pèp la pa l'UGTG,
twop ki ka goumé pou péyi la pou vwè dot sanfouté kè ékonomi la kè dè plis en plis chité.
Twop zodi pa an poubèl,
mè sé nati an nou ka sibi enkonsyans a on pakèt initil tou lè jou ;
initil jistèman ni twop matéryalis ka andété èvè krédi malgré kè yo rmis.
Twop magouy ka fèt en politik pou détouné lajan a pèp la mé sa vin on klasik ;
twop strès twop zafè ka blésé kè an mwen mè malgré tou sa biten,
an enmé ti Gwadloup en mwen.

Twop bwoy pou fè lajan préféré vann kam ki ay tavay ou fè lékol sa sé on drame,
ni dot ka lésé laj a yo monté dot kenn dijonkté yen ki fimé chit zèb anba on leskalyé.
Ni twop ka konprann kè sa malad lè ou rantré lajol.
Big up pou moun an didan la yo sav kè i pa mol.
Twop ki swadizan rude bwoy ka fè plen stil mè lè sé pou rèprézant tout moun ka pétayé.
Ki nou vlé ki nou vlé pa protéjé nou, twop maladi ka kouri pou fann tchou an nou.
Twop aksidan moun kenn mo stipidman si rout, twop moun vlé fè malad initilman.
Si sèlman té ni mwens kouyon, yo kenn suyv san sav san ni on bon enformasyon kon dè mouton.
Minè ka fè film a pawtouz, agrésyon, vyol, mèwtr mi sa ki dan lè niouz.
Plen bèl fanm mè onlo skèt, yo kenn ba'w tire pask ou i chif mè yo vlé ni respect.
Ki diab respect.! Ki jan ou vlé lèspri an mwen trankil lè adan on légliz timoun an mwen pé jwenn on pédofil. Twop préjijé si filing a lajénés, on diab pa ni figi, i pa oblijé ni loks très, twop strès kia blésé kè en mwen mè malgré tou sa biten, an enmè ti Gwadloup an mwen.

An sé boug ki pa enmé fé vyolans mé alé si y ni maji an pa ba moun pon chans.
Twop jalouzi ipokrozi konspirasyon zanmi ki vin énmi san ni on bon rézon.
Twop ''on m'a dit que'' fo rimé si moun mako ki pa ka véyé ta yo mé plito ka véyé ta moun.
Fanmi ka ka kolé pou tè, pou on téstaman, pou on lajan ki ka fin rapidman lé pli souvan.
Twop méchansté sosyé, fo ou vwé yo apré lé dimanch kouri pou ay priyé bondyé.
Twop nég ki rasis ant'yo menm pandan ké nég ka fou nég déwo étranjé ka rantré san problèm.
E menm si ni tou sa kritik, é menm si jounal, télé ka fé polémik, sé vré , nou ni éfo a fé ki zot ki mwen, mé malgré tou sa biten, an enmè ti Gwadloup an mwen.

Kouplé P.S.E
Si zot enmé Gwada sé kèzot paré pou zot enmé pèp la, si zot paré pou zot enmé pèp la, sé kè zot dako pou nou simé lajwa. (X2)
Yo ka kouri priyé bondyé mè bondyé ka di'w kè fo ou enmé, alo kè nou menm oublyé kè fo nou komansé enmé nou menm.
Menme si le mond ka vini fou fou fou, Kann a Gwadloup la toujou dou dou.
Menme si le mond ka vini fou fou fou, sé paskè yo ka chèché sou sou sou.
Menme si ni tou sa pwoblèm, menme si ni tou sa dilèm, mwen an enmè ti Gwadloup an mwen.
Menme si pa tini poèm tou lè jou si bann FM, mwen an enmè ti Gwadloup an mwen.

See also:

33
33.31
Eskimo Joe Don't Let It Fly Lyrics
Joe Dolce Music Theatre Shaddap You Face Lyrics