Sloapkamerdeuren aller landen, verenigt ulder!

't e 15 joar geleen dan ze da spel ier in gezet
En sedert da'k ier wèrke, i'k nog ginjenen dag verlet
In ol dien tid pakte'k zel(f)s ginjenen dag congeé
'k ben l drie kjeers erskilderd, en 'k goa nog olsan mee

refrein :
Ik ben beroepssloapkamerdeure in een (h)otel-bar-restaurang
'k i veuventwinte frang per eure, 't e drie frang min dan de chambrang
'k goa noa den baas ipslag goan vroag'n,
'k ben in de vakbond van 't tapit
't e nu ol moanden damme zoag'n,
stoat em nie an dattie os beutensmit

't wa gistern vergoaderinge van os syndicoat
van hjeel os wedde goa den il (helft) ol noa de stoat
m'in netto 25 frang per eure in onz' an (hand)
Da skilt toch veel te vele me de wedde van de gang

refrein

Ze trekken os jeest open en ze smitten os ton toe
en 't zin der zel(f)s, ze geev'n os ne stamp med uldre voe
Me wèrken hjeel 't joar deure, me zin eig'nlijk stoapelzot
't wèrd tid dat ut es of ik bleuve zitt'n in min slot

Kameroad'n, m'ang'n ier nu ol lange genoeg
't wèrd tid da m'oze kop gebreuk'n
Me goan over tot de stemminge
Dedee die akkoar zin me mie, steken uldre klink' ip
En d'andre, od'n under slot
En 'k zegge't, hè, ten jeest'n en doamee gedoan.

't e nu ol moanden damme zoagen, stoat em nie an dattie os beutensmit
't e nu ol moanden damme zoagen, stoat em nie an dattie os beutensmit

See also:
JustSomeLyrics
35
35.68
tha rang chia tay Lyrics
The Strawbs Lay Down Lyrics