Hee

De perspektieve veur de toekoms die zeen nul komma nul
Al hobse noa veul zjweite enne universitaire bul
Al boste ongerwiezer, bankwirker of psycholoog
De komende joare boste waarsjienlik wirkeloos
Doe mos sollicitere, sollicitere

Hobste al gesjreve
Viefensevetig breeve
Hobste al gesjreve
Viefensevetig breeve
Den sjrief mer opnuuj

Diene daag begint mit sjloape tot ein oer of teen
Doe kiks in de gezet of d'r neet urges baane zeen
Det vilt dich vies taege, doe sjleeps de res van diene daag
Doe veuls dich flink beroerd, doe krigs zenuwe oppe maag
Doe mos sollicitere, sollicitere

Hobste al gesjreve
Viefensevetig breeve
Hobste al gesjreve
Viefensevetig breeve
Den sjrief mer opnuuj

's Moandigs moste weer bie de sosjale deens zeen
Veur de zoveelste keer volste weer dae breef in
Zjwart wirke duiste sjtiekem, af en toe
Mer jong kiek oet want auch de kontroleur kik toe
Doe mos sollicitere, sollicitere

Hobste al gesjreve
Viefensevetig breeve
Hobste al gesjreve
Viefensevetig breeve
Den sjrief mer opnuuj

's Aoves es 't duuster wurt beginste pas te laeve
Doe kiks ens rondj, is neet urges get te belaeve
Doe geis noa ein Punk-band, missjien waal noa ein louche tent
Missjien geiste waal kieke noa de Janse Bagge Bend
Mer doe mos sollicitere, sollicitere

Hobse al gesjreve (Viefensevetig breeve)
Hobse al gesjreve (Zesensevetig breeve)
Hobse al gesjreve (Zevenensevetig breeve)
Hobse al gesjreve (Achensevetig breeve)
Hobse al gesjreve (Neugeensevetig breeve)
Hobse al gesjreve
Den sjrief mer opnuuj

See also:
JustSomeLyrics
44
44.83
Roy Orbison It´s Over Lyrics
Randy Travis Promises Lyrics