Que din os rumorosos,
na costa verdecente,
ó raio trasparente
do prácido luar...?
Que din as altas copas
de escuro arume arpado
co seu ben compasado,
monótono fungar...?

"Do teu verdor cinguido
e de benignos astros,
confín dos verdes castros
e valeroso chan,
non des a esquecemento
da inxuria o rudo encono;
desperta do teu sono,
fogar de Breogán.

Os bos e xenerosos
a nosa voz entenden,
e con arroubo atenden
o noso rouco son;
mas sós os iñorantes
e féridos e duros,
imbéciles e escuros,
non nos entenden, non.

Os tempos son chegados
dos bardos das idades,
que as vosas vaguedades
c__prido fin terán;
pois donde quer, xigante,
a nosa voz pregoa
a redenzón da boa
nazón de Breogán"

See also:
JustSomeLyrics
44
44.118
-HAMLET- By Kabronator 07-Contraproducente Lyrics
Patsy Cline I Can't Forget Lyrics