Горан Трајкоски / Циркус Еуропиа Исто прашање Lyrics

Мислам дека сме
од прв до последен
потиштени од едно исто
прашање.
Чиниш дека е
сиов овој Свет,
сиот Семир
како екран-платно небесно.
Мислам дека сме,
од прв до последен,
потиштени од едно исто
прашање.
И кој ли е Тој?
И дали се вика Бог,
што го поставил меѓу себе
и нас, другите.
И дали е сè
под знак на прашање,
оти тегобава ме копа
без да престане.
И кој ли сум јас?
Од каде доаѓам?
И дали на овој Свет
јас му припаѓам?