t Is zoaterdagoavend, het twijde perron
Zien wichtje die staait al te wachten
t Is boeten routkold mor van binnen is ze waarm
Ze ston der al even over achten

Tussen h___en en Helpman zigt e zichzulf
In t roam van die ol intercity
Wat spij op zien lok en hai denkt aan heur woorden
Ik raais in gedachten voak mit die

Om twinteg veur negen, ja din komt er n train
n Luudspreker belkt wat berichten
Ze lopen het perron òf, de nacht is nog jong
En overal bliede gezichten

De zundag vlucht om en het is zo weer oavend
Ze stonnen op perron met zien baaiden
Ze kropt tegen hom aan en hai holdt zich zo stoer
En ze schraait deur t idee van de schaaiden

Tussen Helpman en h___en zigt e zichzulf
In t roam van die ol intercity
Wat spaai op zien lok en hai denkt aan heur woorden
Ik raais in gedachten voak mit die

Om tien over negen, ja din gaait er n train
n Luudspreker belkt wat berichten
Ze lopt t perron òf en rilt van de kol
En overal zwaarde gezichten

Ze binnen al lang traauwd en ze binnen al weer schaaiden
En baaiden hebben heur aigen gedachten
En zoaterdagsoavends op het twijde perron
Doar stonnen al weer aandern te wachten

Ik bin op miezulf en ik mout mie mor redden
Mor kin der nog nait zo best tegen
t Is zoaterdagoavend en ik loop noar t station
En de klok het het twinteg veur negen

Om twinteg veur negen, ja din komt ter n train
n Luudspreker belkt wat berichten
Ik loop het perron òf en ril van de kol
En overal zwaarde gezichten 3x

See also:
JustSomeLyrics
48
48.122
Ozone Dragostea Din Tei (English Version) Lyrics
Ede Staal Het Zel Weer Veurjoar Worden Lyrics